Vandamál að hafa fyrrverandi stjórnmálaleiðtoga sem ritstjóra?

Spurning sem velt var upp var hvort væri vandamál að hafa fyrrverandi stjórnmálaleiðtoga sem ritstjóra dagblaðs?

 Ég held að við sjáum öll svarið hér. Auðvitað er Steingrímur búinn að skipta oftar um skoðun en nærbuxur (en benda mætti á fleiri stjórnmálamenn sem hafa gert það síðasta eitt og hálft árið, t.d. Bjarna Ben), en þessi gæða fréttaflutningur á ekkert erindi til nokkurra nema kannski Hannesar Hólmsteins og Eyþórs Arnalds.

Þeir rísa úr sætum sínum og klappa fyrir innsæi meistara síns.

Við hin sjáum hvað er í gangi. 

Steingrímur skiptir um skoðun

Athugasemdir

[Ingvar Valgeirsson, 20.3.2010 kl. 00:18]

Ég held að menn ættu, fremur en að velta sér upp úr starfi Davíðs hjá Mogganum, miklu frekar að íhuga af hverju aðrir fjölmiðlar hafa ekki ritað um þetta svo neinu nemi hingað til.

[Guðmundur 2. Gunnarsson (IP-tala skráð) 20.3.2010 kl. 00:48]

Bíðið við.  Hvað er rangt í greininni?  Hefur Steingrímur eitthvað að fela eða skammast sín fyrir? Þó það nú væri að reynt er að halda til hafa raðlygarnar og bullið sem hefur oltið úr manninum.  Er þetta í fyrsta skipti að rifjað er upp orð og gerðir stjórnmálamanna?  Eða hvað....???

[Jón Egilsson (IP-tala skráð) 20.3.2010 kl. 00:52]

Í stað þess að velta fyrir sér hver segir fréttina, þá væri kannski ráðlegt að velta fyrir sér hvort það sé eðlilegt, að fjármálaráðherra Íslands tali bæði út og suður um þetta gríðarlega mikilvæga mál.

[Gustaf (IP-tala skráð) 20.3.2010 kl. 01:13]

100% sammála þér Ari

[Guðmundur 2. Gunnarsson (IP-tala skráð) 20.3.2010 kl. 02:13]

Bjarni var samþykkur í byrjun að samningaleiðin yrði reynd vegna Icesave, eins og alltaf er gert í deilumálum, smáum sem stórum.  Það er nánast óþekkt að rokið er með mál beint fyrir dómsstóla án þess að samningaleiðin er reynd.  Það er yfirleitt það sem allir lögfræðingar benda skjólstæðingum á.  Það er óttalega aumt og lágkúrulegt að ætlast til að þegar samningaleiðin reynist ófær, að þá eigi frekar að gefast fyrir Bretum og Hollendingum með handónýtri niðurstöðu þar sem við erum gerð ábyrg fyrir ólögvörðum falsreikningi, í stað þess að segja hingað og ekki lengra og bjóðast til að hitta mótaðilana fyrir dómstólnum. 

Að reyna að leggja því að jöfnu við að segja að það eigi alls ekki að borga og stökkva í 180 gráður og heimta að fá að borga er galin samanburður.  Að segja að það eigi alls ekki að sækja um ESB aðild, og ekki vera fyrr búin að því þegar hann er lagður sjálfur á stað til Brussel, eins og ekkert sé.  Og þetta finnst einhverjum vera það sama og að leggja til að fyrsta skrefið verði samningaleiðin, og þegar hún gengur ekki, að vilja fara dómstólaleiðina. 

Vællinn í kringum Steingrím er eins og hann væri andlega fatlaður og væri  undir einelti.  Þetta eru hans orð og síðan Jóhönnu, og nauðsynlegt að halda til haga.  Satt að segja var maður búin að gleyma bróðurpartinum.  Að sjá þetta á einum stað er sennilega gagnlegasti pólitíski skólinn sem maður hefur fengið í langan tíma.  Meira svona Mogga fólk.

[Þráinn (IP-tala skráð) 20.3.2010 kl. 05:33]

Ertu að reyna að svæfa okkur, Gunnar Annar?